بريآني بالدجاج طعم لذيذ يدوخ

أول شيء ننقع 3 أكواب رز نص ساعه إلى ساعة وبعدين نسلقه ثلاث أرباع استواء ،

 

في قدر نضيف كمية من الزيت نحط أول شيء كزبره ناشفة مجروشة ونحمرها خفيف في الزيت لين تطلع ريحتها بعدين نضيف البصل والثوم ومهروس الزنجبيل ونكشن مضبوط لين يذبل البصل وبعدين نضيف شوي معجون الطماطم ونحمسه شوي بعدين نضيف قطع فلفل على حسب الرغبه + فلفل حار حبات كاملة ..

بعدين نضيف قطع الدجاج بدون جلد نكون متبّلينها من قبل أقل شيء نص ساعه التتبيلة : ( زبادي ، حليب جوز الهند ” اختياري ” ، نعناع مجفف ، زيت زيتون ) وبعدين نضيف البهارات العدله : ( ورق غار ، حبات هيل ، أعواد دارسين ، حبات كزبره ، حبه أو حبتين ليمون أسود ، ملح خشن ) والبهارات المطحونه : ( م ك كركم ، م ك كاري أو أي بهارات برياني عندك تثقين بطعمها ، فلفل أسود وأحمر ، بابريكا )

 

وبعدين نقلبهم مع الدجاج ونغطّي القدر نخلي الدجاج يتسبك لين يستوي .. الحين نجيب قدر أو صينية فرن ونصلح الطبقات أول شيء نحط الرز بعدين شوي من الخلطه ثمن البصل الجوانح المقلي ثمن الرز وهكذا لين نعبّي القدر وآخر شيء نحط الكشنه والبصل المقلي وحبات الصنوبر المحمّره ..

ونرش ع الوجه شوي زيت وزبده ذايبه مع

م ص من ملون الطعام ، أو زعفران للي يحبّون نكهته بالرز ، و نقصدر القدر ونكتمه بالغطاء ونخليه على نار هادئة جداً نص ساعه تقريباً .

. * الكشنة /

بصل مقطع مكعبات نحمسه بالتاوه لين يذبل وتصير أطراف البصل بني فاتح وبعدين نضيف الزيت ونحرك لين يذبل زياده ونضيف الكركم وبهارات المسمنه والزبيب المنقوع .

. * البصل الشرائح المقلي /

عباره عن بصل أصفر و عادي بالأحمر اذا ماعندك الأصفر بس أنا أفضّل الأصفر أقطّعه شرائح رفيعه بعدين أخلط معه ( نشاء + كركم ) لين تتغطّى كل شرائح البصل مضبوط بعدين أبدأ أقلي البصل دفعه دفعه ..

التاوه تكون وسيعه وما نكثر كمية البصل بالزيت ولا نحرّك كثير نخليه ياخذ لون على راحته

والنار تكون وسط .

اترك تعليقاً

لن يتم نشر عنوان بريدك الإلكتروني.

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.